NEWS

La Kost o skulpturi na Trgu: ŠTRONCO DE BRONCO :)!

04.05.2006. 00:00; Učitavanja: 500; Početna / Lifestyle / Zabava / La Kost o skulpturi na Trgu: ŠTRONCO DE BRONCO :)!
755STR_BRONCO.jpg

Se kapi, šjora Mafalda se ne kapi u umetnost i kulturu, pak ni kapila jedan tubo kad smo njoj povidali da je za tu skulpturu šjora Gorka Ostojić Cvajner Crajner štuto i slatko rekla da je »zadovoljila visoke likovne kriterije« i da »nije bilo lako savladati tako razuđen trg«, inšoma, da je prvorazredna, kako bi se po našu reklo, bravura. Za pravo reć, osin šjore Mafalde ka je jena stara brontulona, Porećani su napro kuntenti z ovon skulpturon, samo njin gre na žifce ća nima imena. Tako da ne znaju kemu bi sve po spisku za onih deboto tri miliona kunic koliko su za skulpturu žboršali z gradskega proračuna.

La Kost, Glas Istre, 4.5.06.

A Zvane Lakodelac:

Poreč, od Prvega maja, ima novu skulpturu, štatuu na Placi slobode, vizavi crikve Gospe od Anđeli. Sad Porečani, a i njihovi turišti, po dva tri-puta na dan dohažaju i ubahižaju ti novi spomenik. Monument je monumentalan, najveći u Istri. Siromahi Porečani, nidan od njih ni povjesničar umjetnosti, pak ne znaju ča spomenik predstavlja, ne kape ča sinbolizira, kako mu je ime. Spomenik je monolitan, kako veliki zid od lamarini, a na dnolu ima škulju. Borci govore da je to spomenik palen borcu. Ustaše pak špjegivaju da je to veliko slovo »U«, samo privremeno znapoko montirano. Sindikalisti drže, kako je skulptura otkrivena za 1. maj, da sinbolizira težaka ki je pa na kolina. Zagrepčanci u toj štatui vide konja prez bana Jelačića. Moj unuk, uni huncut, mali Marko, mi govori da je to želizni zid za pisati grafite. A, jopet, moja mala Samanta, sunce didovo, mi stručno špjegiva da će to biti pista za modne revije. Stari Đorđo, šef INE, je siguran da je to spomenik benzinskoj punpi ka je zdavna bila jušto na ten mistu. Profešor govori da skulptura prestavlja »Vrata Poreča«, samo su hi krivo montirali. Marijo iz »Remonta« ima teoriju, da je to jedan performans, špetakolo, priredba, a da je veri spomenik unutra, ki će se dopriti za kakov dan. Vrga je uho na lamarin, trupija je z ključi, i zaključija: zvoni na prazno, ma znutra, šoto fondo, mora biti još ništo. A šjora Mafalda, najstarija Porečanka, govori: »Šoto fondo že 2,7 milioni de kune. Kaci amari, altro ke kaci marini!« Orko kan, za te šolde Puležani bi bili učinili jušto 30 spomeniki Đemsa Đojsa od bronce, skupa z brončanin bankon i stolicon za kima čovik sidi. Ben, špjegivan ja, kad toliko gušta, siguro je po sridi i veliko umjetničko djelo ko se siguro zove »Kajgana Sv. Petra«. Pak su Porečani donili jednoglasnu oduku: Neka brončanu super skulpturu prehite na Rušnjak, a uvamo neka tornaju una tri kostanja i spod njih une stare bankine. Perke ovako, na cilen moderniziranen Trgu slobode ni hlada, nanke da pošten čovik pridahne.

Print Friendly, PDF & Email
Advent 2019 S
Galerija S