Ovo je bila jena od najdugovječnijih rubrika u La kosti u kojoj smo objavljivali litrate i jušte pozicije karanpan rashićenih posvuderi po Istarsken poluotoku, od vrhi Ćićarije zdolon, po boškami, krasami, kavadanjami, selima, gradima, perfin u potokima. Stešo, nanke jedan bot nismo objavili karanpanu u moru zuz istarsku koštu da ne rečemo obalu. Ma je anke takovih.

 

Jednu malo veću barku, koja je poznata kako Mala Laguna i lit nazda su š njon z Plave lagune peljali palombare i potopljače na more, smo ušervali srid vele plitke vale Molindrijo mriž Plave i Zelene lagune poli Poreča. Je legla fondo u blato, rekla adijo i pomalo se raspada. I nidan ne bacila. Zasvin ki ima parona i zasvin ki bi anke Kapitanerija imala tote ča reći poradi opasnosti za druge barke.

 

Ko je kakovi štabeliji tempural hiti u kraj, a tamo su dvi marine pune barak, pak koju rovina, će svi biti đenerali pokle batalje. Još ni problem za je poves ća, a ko rabe jušte koordinate, ćemo hi najti.

 

Na litratima: Mala Laguna leži srid vele lagune Molindrijo